Ilbieraħ saret it-tieni sessjoni tal-Parlament tas-Sindki. Ġew diskussi temi bħar-Riforma fil-Gvern Lokali u l-ħidma tal-Kunsilli Reġjonali u Lokali. Il-President ta’ Reġjun Nofsinhar kien preżenti għal din is-sessjoni fejn wassal il-vuċi tiegħu u ddiskuta l-ħidma li qed iwettaq ir-Reġjun u l-isfidi li qed jiffaċċjaw il-lokalitajiet fi ħdanu. Kull Sindku kellu l-opportunità jwassal leħnu għal ftit […]
Il-President, id-Deputat President, il-Kunsill Reġjonali, is-Segretarju Eżekuttiv u l-istaff kollu ta’ Reġjun Nofsinhar jifirħu u jawguraw lill-Ministru l-ġdid responsabbli mill-Gvern Lokali Dr Josè Herrera. Minn qalbna nirringrazzjaw lil Dr Owen Bonnici u lis-Sur Silvio Parnis għall-ħidma effettiva li wettqu u għall-kontribut tagħhom fis-snin li għaddew. Inħarsu ‘l quddiem għal aktar ħidma għall-ġid tar-residenti fil-komunitajiet […]
Il-President, id-Deputat President u l-Kunsill Reġjonali tan-Nofshinar jifraħ u jawgura lil Dr Robert Abela għall-ħatra ta’ Prim Ministru ta’ Malta. Inħarsu ‘l quddiem għal aktar ħidma b’ risq il-komunitajiet tagħna.
Reġjun Nofsinhar organizza attività bl-isem ta’ ‘Stories at the Museum’ għal persuni bil-passaport tal-kbar. Din l-attività saret fil-MUŻA bil-kollaborazzjoni ta’ Heritage Malta.
Reġjun Nofsinhar kien wieħed mill-isponsors uffiċjali għall-Malta International Organ Festival. B’kollaborazzjoni mal-Kunsill Lokali tal-Qrendi, Reġjun Nofsinhar għen biex tittella’ ‘Organ and Oboe Recital’ fil-Knisja Parrokkjali Marija Assunta tal-Qrendi fl-1 ta’ Diċembru 2019.
Reġjun Nofsinhar se jkun qed jgħin finanzjarjament biex jiġu mżejna pjazez u toroq prinċipali fil-lokalitajiet tar-Reġjun għal żmien il-Milied.
Reġjun Nofsinhar iffinanzja proġett fil-Housing Estate tal-Ħamrun fejn ġew installati dwal ġodda.