Wieħed mil-għanijiet ta’ Sena Kulturali tan-Nofsinhar hu li jqajjem kuxjenza fuq dak li nsibu madwarna. Għalekk wara li ftit tal-jiem ilu ġie mfakkar il-Jum Dinji tal-baħar u oċeani xtaqna nieħdu dan l-ispunt biex noħolqu kuxjenza fuq il-ħut u l-ibħra ta’ madwarna. Dan huwa l-kunċett wara l-attivita’ Tisjira Xlukkajra.
Waqt din l-attivita’ ser jingħata għarfien fuq ħut sostenibbli li faċilment jinqgħabad fl-ibħra Maltin u li hu tajjeb ħafna għall-ikel. Dan il-ħut ser insiru nafu aktar dwaru fl-attivita’ Tisjira Xlukkajra. F’din l-attivita’ ser ikollna ukoll l-opportunita’ li nitgħallmu aktar fuq il-ħajja fuq il-baħar, u fuq is-sajd waqt li nisimgħu ukoll rakkonti bi djalett Xlukkajr. Ser ikollna ukoll rakkonti ta Sur Lino Psaila li ser jiġu nterpretati mit-tifel tiegħu stess is-Sur Manuel Psaila.
